ثمرة حبنا

    شاطر
    avatar
    Admin
    Admin

    عدد المساهمات : 202
    نقاط : 1143
    السٌّمعَة : 0
    تاريخ التسجيل : 17/08/2009
    العمر : 21
    الموقع : www.mohammedmaan.yoo7.com
    المزاج : أفكر

    ثمرة حبنا

    مُساهمة  Admin في الأربعاء أغسطس 19, 2009 6:12 am

    هلووو موووتو


    حتى بالجنوب يسمون الاطفال بزر يعني ثمره وبزر الشغله كلها زراعه

    اكو نساوين تطرح ثمار اي اطفال ثمار موسميه كل سنه جايبه طفل عبالك ماشايفه
    تكول مثل شجرة العرموط تحمل هواي ثمار وهي ثمار الحب ثمرة حبهم الاطفال
    او مثل شجره النارنج او رارنج تختلف التسميه من شخص الى اخر حسب
    المستوى المعاشي للشعب الاماراتي والكونغو بس النارنج او الرارنج لا يفسد
    للود قظيه

    واكو نسوان مثل الشجره حتى ورق مابيها كل عشر سنوات مسويه ثمره وحده
    اي طفل واحد طبعا الزراعه تعتمد على الفلاح اي زوجها وعلى التربه الخصبه
    اكو تربه صبخه مابيها فايده واكو تربه سمادها منه وبيه عين الحسود بيها عود
    التربه الصبخه شكد ماتحط سماد ماكو فايده ومرات صوج الفلاح مابيه خير
    مايزرع زين البذور حتى يحصل ثمرة حبهم اي الاطفال الي هي ثمرة حبنه من الكبر لفهم

    وماشاء الله الزراعه منتعشه هاي الايام كلها صايره فلاحين وتفلح وتزرع
    والطماطه غاليه مدري ليش لعد العالم يوميه تزرع وماشاء الله الطلب على التربه الخصبه
    الصالحه للزراعه منتشر هاي الاياك كلها تريد ثمرة حبنه

    اني هم كلت على الواهس اشوف فد كاع ركن بس سعر الدونم غالي كولش
    يرادله عربون مقدم واذا ماتعجبك هم تدفع والله اشوفلي على كد ايدي فد
    خرابه ازرع بيها بلكت يطلع ثمرة حبنه يطلع حصو يطلع قرنابيط يطلع كشر
    ركي الف الحمد لله شنسوي

    كلش كلش اخذ كاع مستعمله حتى لو بيها ثمرتين اربي هاي الثمرات واسويهم
    نخل يفيدون البلد والمجتمع اربيهم اخلي حتى النوه مالتهم فستق يالله كولشي
    يصير بهذا الزلك

    الزراعه صح يرادلها جهد وتعب بس مايصير نوقف الزراعه وما نترس البيت
    ثمرات حبنه الكبر لفنه وعفيه بالفلاحين الابطال اي زرع طوال حياته وعفيه بالكاع
    الي اتحملت وصبرت وياكاع اترابج كافوري على الساتر هلهل شاجوري على الكاع
    كلنه اتعنينه نزرع ثمرات بدينه هذوله احنا اسباع اي والله وعونج ياكاع

      الوقت/التاريخ الآن هو الإثنين ديسمبر 10, 2018 4:09 pm