النفسه الطيبه ورمضان

    شاطر
    avatar
    Admin
    Admin

    عدد المساهمات : 202
    نقاط : 1143
    السٌّمعَة : 0
    تاريخ التسجيل : 17/08/2009
    العمر : 21
    الموقع : www.mohammedmaan.yoo7.com
    المزاج : أفكر

    النفسه الطيبه ورمضان

    مُساهمة  Admin في الثلاثاء أغسطس 25, 2009 8:44 pm

    السلام عليكم

    طبعا ام البيت او البنيه اوي اي قاروره او بستوكه لو تركع راسها بالف حايط
    ولو اتخلص عمرها تتعلم الطبخ مايصير اكلها طيب الا من تكون نفسها طيبه
    لانه الطبخ نفس هذا ماقالته لي جدتي فوليت هاي طبعا ام امي مو ام ابويه جدتي
    من ابويه اسمها هوار محمد كالت الطبخ نفس الي نفسها طيبه بالاكل طبخها يطلع
    طيب

    وهذه قاعده ما اتراجع عنها قيد انمله وعلى سيره انمله اذكرت اموله الله يذكرها بالخير
    مو انخطبت وعقدت اي والله الحمد لله اخذت هذا كاظم ابن سيد زهره خوش ولد حباب
    مايصرف دهن ولا يكطع راحوا لكربلاء بيوم الزياره الشعبانيه الاخيره كالوا هاي فرحه
    مال الشيعه وميلاد وهم نعقد خطيه السيد جاي يعقدلهم وجان تجيله طلقه بالكصه ومات
    حتى وكع بالكاع واتكشف دشاشته صارت فوك الرقبه هاي الطلقه مال العركه الي صارت
    بين الصدرين والحكومه صارت مراكع طلقات وكالوا صار امراكع بالنعل لانه اجتي
    فرده مال نعال على حلك العروسه ونعال على خشم العريس اثنينهم صاروا معوقين
    وعلى الكرسي مال المعوقين حتى ليلة الدخله شهر العسل خلصوه بس نظرات وياها
    حسرات لانه نسبة العوق فوك الميه


    المهم اي نفسها طيبه اكلها يطلع طيب هسه هاي ام سعدون اذكر عزمتنه على الفطور
    وهي نفسها كولش طيبه واكلها يخبل لذيذ لانه نفسها طيبه بحيث التبسي الي سوته بالبايركس
    شلون بايركس عبالك طشت هذا التبسي الباذنجان امطوف بالمركه عبالك مثل الجثه المجهوله
    الهويه من يكتلوه بالعراق ويشمروه بالشط وبعدين يطوف والباذنجانه لاول مره اشوفها بالمركه
    ترجف من البرد لانه المركه امجرشه بارده بعد طبخ ام سعدون نفسها كولش طيبه خو التمن
    الله عليه التمن طلع فدرالي مثل الفدراليه بالعراق كل ثلاث محافظات تسوي دوله التمن مالتها
    كل ثلاث حبات ملزوكه لانه طلع معجن التمن نفسها كلوش طيبه ام سعدون

    وره ما اكلنه الفطور كل واحد نزع الفرده اليسره مال القندره ودك على راس ام سعدون
    الي نفسها كولش طيبه ودك دك الى ان صاحت القنادر وحجت وكالت يمعودين كافي مو دمرتونا
    تعبنه عاد احنا خلينه القندره اليسره ونزعنه القندره اليمنه ورجعنه دك دك على ام سعدون
    وره شويه كلنه كافي نروح نصلي ونرجع انكمل الدك بالقنادر على ام سعدون عاد ام سعدون كالت
    مو اتصلون طبك وتتاخرون تعالوا بسرعه كملوا الدك بالقندره رحنه صلينه ورجعنه دك دك
    الى ان القندره اليمنه كالت كافي عاد انباوع على ام سعدون صارت ثروب مال سمج من الدك
    لانه نفسها كولش طيبه بالطبخ


    يعني الي نفسها مو طيبه اكلها مو طيب لا اتعب نفسها الطيخ هو نفس وليس تعويد


    لهذا تشوف طبخ العراقيه اطيب من طبخ الخليجيه لانه العراقيه نفسها طيبه والخليجيه
    نفسها خرطي وتشوف طبخ البغداديه طيب جدا اكثر من طبخ البصراويه او المصلاويه او
    الكرديه لانه البغداديه نفسها هم طيبه وهم ريحتها شانيل بينما الباقيات نفسها ريحة عطاب
    مال وايرات كهربائيه

      الوقت/التاريخ الآن هو السبت مايو 26, 2018 9:32 pm